VİDEO

Yunan-Roma güləşçilərimizin dünya çempionatı hazırlığı

2-10 oktyabrıda Norveç paytaxtı Osloda dünya çempionatı keçiriləcək. Allsport.az saytı xəbər verir ki, yunan-Roma güləş millimiz məsul yarışa hazırlıqları davam etdirir. Komanda baş məşqçi Aleksandr Tarakanov, böyük məşqçi Rövşən Bayramov, məşqçilər Akif Əliyevlə Həsən Əliyevin rəhbərliyi ilə Bakıda məşq edir. Hazırlıq oktyabrın 4-dək davam edəcək.

Oktyabrın 6-da güləşin klassik növü üzrə püşkatma mərasimi keçiriləcək. Növbəti gün 55, 72, 77 və 82 kq-da yarışa start veriləcək. Oktyabrın 8-də 60, 97 və 130, ayın 9-da isə 63, 67 və 87 kq-da çıxış edən yunan-Roma güləşçiləri mübarizəyə qoşulacaq. Dünya çempionatına oktyabrın 10-da yekun vurulacaq.