Yunan-Roma güləşində daha 5 çəkidə ölkə çempionları bilinib

Bakı İdman Sarayında sərbəst və yunan-Roma güləşi üzrə Azərbaycan çempionatı davam edir. Allsport.az saytı xəbər verir ki, dünən keçirilmiş tutaşmalarda

Sakit Quliyev (60 kq), Kamran Məmmədov (67 kq), Həsən Əliyev (77 kq), İslam Abbasov (87 kq) və Cavid Feyziyev (130 kq) fəxri kürsünün ən yüksək pilləsinə qalxıblar.

Çəki dərəcələri üzrə ilk üç yeri tutmuş idmançılara AGF-in tərəfindən müvafiq diplom, medal və pul mükafatı təqdim olub. Qaliblər yığma komandanın heyətinə cəlb olunacaq və il ərzində komandanın iştirak edəcəyi beynəlxalq yarışlarda millinin heyətində mübarizə aparacaqlar.