Zaur Hacıyev CEV kubokunda

Beynəlxalq dərəcəli hakim Zaur Hacıyev qadın voleybolçulardan ibarət CEV kuboku yarışlarına təyinat alıb.

Allsport.az xəbər verir ki, o, turnirin təsnifat mərhələsinin birinci oyunları çərçivəsində Rusiya klubları – “Proton” və “Uraloçka” arasında keçiriləcək görüşdə ikinci hakim funksiyasını yerinə yetirəcək. Matçın baş hakimi belaruslu Sergey Vaitsiaxoviç olacaq.

Görüş noyabrın 17-də Rusiyanın Saratov şəhərində keçiriləcək.

Komandalar arasında cavab oyunu noyabrın 23-də Yekaterinburqda (Rusiya) təşkil olunacaq.