17 ildən sonra ayrılan ailə 70 milyonluq sərvəti və 3 övladı bölə bilmir

Əfsanəvi xokkeyçi Pavel Burenin həyat yoldaşı Alina Bure ərindən boşanıb. Allsport.az saytı xəbər verir ki, bu ilin fevral ayında tərəflər 17 illik evliliyindən sonra ayrılmaq qərarına gəliblər. Evliliklərinin sülh yolu ilə sonu əldə olunmayıb – onlar indi məhkəmədə təkcə nikah əmlaklarını deyil, həm də uşaqlarını bölüşdürürlər.

Dekabrın əvvəlində hər ikisi bir-birlərinə qarşı iddia qaldırıblar. Onlar Pavel adlı bir oğul və Palina və Anastasiya adlı iki qız böyüdürlər. Alina Burenin vəkili bildirib ki, Moskvanın Xamovniçeski Rayon Məhkəməsində yetkinlik yaşına çatmayan uşaqlarının yaşayış yeri, əlaqə müqavilələri, nikah əmlakının bölünməsi və nikahlarının pozulması ilə bağlı işə baxılır.

Mediada yayılan məlumatlara görə, cütlük təxminən 70 milyon dollar dəyərində olan böyük sərvətlərini bölüşəcəklər.

7 may cümə axşamı günü Alina Bure sosial media platformasında izləyiciləri üçün sual-cavab sessiyası keçirib.