Akrobatika gimnastlarımız 2-ci oldular

Akrobatika gimnastikası üzrə Azərbaycan yığmasının üzvləri İtaliyanın Pesaro şəhərində təşkil edilmiş Avropa yaş qrupları yarışlarında uğurla çıxış ediblər.

Allsport.az xəbər verir ki, 12-19 yaşlı idmançılar arasında mübarizə aparmış Milana Əliyeva və Nizam Xamidulindən ibarət qarışıq cütlüyümüz final mərhələsinə adlamağı bacarıblar. Həlledici mərhələdə isə qarışıq hərəkətlər proqramı üzrə nümayiş etdirdikləri kompozisiyalarına görə perspektivli gimnastlarımız 27,200 xal toplayaraq gümüş medal qazanıblar.

Yarışda 12-19 yaşlı idmançılar arasında Samirə Rüstəmova və Rauf Cabbarovdan ibarət daha bir qarışıq cütlüyümüz də iştirak edib. Təəssüf ki, onlar final mərhələsinə adlaya bilməyiblər.

Həmin kateqoriyadan

AzerbaijaniEnglishRussianTurkish