Avarçəkmə üzrə Azərbaycan çempionatı başa çatdı

Allsport.az xəbər verir ki, Mingəçevirdə “Kür” olimpiya tədris-idman mərkəzində baş tutan yarışın ikinci günündə idmançılar kayak və kanoe növlərində mübarizə aparıblar.

Qeyd edək ki, Azərbaycan çempionatında Bakıdan və Mingəçevirdən olan 100-ə yaxın idmançı mübarizə aparıb. İştirakçılar iki gün ərzində akademik avarçəkmə, həmçinin kayak və kanoe növlərində birincilik üçün yarışıblar.

Qaliblər medal və diplomla mükafatlandırılıb. Fərqlənən idmançılar oktyabrda təşkil ediləcək beynəlxalq Mingəçevir reqatasında mübarizə aparmaq şansı qazanıb.