VİDEO

Rauf Məmmədov: Nəhayət, Şahmat olimpiadasında medal qazanacağımıza ümidliyəm

Qəbələdə hazırlaşan Azərbaycan millisinin üzvü Rauf Məmmədov Bakı Şahmat Olimpiadası ilə bağlı fikirini bildirib. Allsport.az saytı xəbər verir ki, o, “dördillik”də medal qazanmağı arzuladığını bildirib:

“Ölkəmizdə şahmat çox sevilir. Ona görə də bizi dəstəksiz qoymayacaqlarına inanırıq. Ümid edirəm ki, nəhayət, biz olimpiadada medal qazanacayıq”.

Xatırladaq ki, Bakıda təşkil olunacaq Şahmat Olimpiadası sentyabrın 1-də start götürəcək. Ölkəmizdə ilk dəfə baş tutacaq mötəbər yarış Crystal Hall-da keçiriləcək. Olimpiada günlərində paytaxtımızda həm də FİDE konqresinin növbəti iclası olacaq.