Rüstəm “yapon səddi”ni yenə keçə bilmədi

Tokio oyunlarında cüdoçuların mücadiləsi davam edir. Allsport.az saytı xəbər verir ki, bu gün bizdən Rüstəm Orucov (73 kq) rəqabətə qoşulub.

O, ilk görüşdə Rusiya təmsilçisi Musa Moquşkovu və 1/8 finalda tacikistanlı Somon Məhmədbəyova vazari ilə qalib gəlib. 

Bayraqdarımızın növbəti rəqibi bu çəkinin öncülü, olimpiya və 6-qat dünya çempionu Şohei Ono olub. Yaponiyalı idmançıya iponla yenilən Rüstəm, mübarizəni təsəllivericidə davam etdirəcək.