Vəliyeva qulaqcıqla, Siniçna xizəklə

Dekabrın 24-də Çelyabinskdə fiqurlu konkisürmə üzrə Rusiya çempionatı başa çatıb.

Allsport.az xəbər verir ki, əvvəlcə turnirin qalibləri və mükafatçıları mükafatlandırılıb, daha sonra konkisürənlər çıxış ediblər.

Gecənin əsas ulduzu Kamilə Vəliyeva olub. Proqramın əvvəlində Kamilə telefonunu yerə qoyub, gündəmdə olan mahnılarla video çəkirmiş kimi şou göstərib.

Kseniya Siniçna çox gözəl bir yeni il nömrəsi hazırlamışdı: o, xəz papaqda, əlində xizəklə buz üzərində idi. Onun çıxışında “Prostokvaşinoda qış” cizgi filmindən məşhur bəstə ifa olunub.