Yeniyetmə üzgüçülərdən 4 qızıl və 1 gümüş

Macarıstanın Kapoşvar şəhərində yeniyetmə üzgüçülərin beynəlxalq turnirdə Süleyman İsmayılzadə 1500 metr sərbəst üsulda 16:10,99 göstərici ilə bütün rəqiblərini qabaqlayıb və 721 balla Azərbaycanın yeniyetmələr arasında rekordunu təzələyib.

Allsport.az saytı xəbər verir ki, o, 400 metr məsadəfə sərbəst üsulda 04:08,42 göstərici ilə qızıl medal qazanıb və 695 balla Azərbaycanın yeniyetmələr arasında rekordu yeniləyib.

Digər üzgüçümüz Oqtay Hüseynov da beynəlxalq turnirdə milli komandamızın hesabına qızıl medal qazandırıb. 4:49,32 göstərici ilə 400 metr qarışıq üsulda bütün rəqiblərindən üstün olub. O, Hüseynov 400 metr sərbəst üsulda 4:13,92 göstərici ilə gümüş medala yetişib.

Millinin hesabına növbəti qızıl mükafatı Səid Həmidov yazdırıb. O, 4:19,64 göstərici ilə 400 metr sərbəst üsulda hamını qabaqlayıb.