Əzmkar qələbə ilə Avropa çempionatının finalında!

Andorrada 16 yaşlı qız basketbolçuların Avropa çempionatı “C” divizionunda millimiz Gürcüstana qarşı yarımfinal görüşünə çıxıb.

Allsport.az saytı xəbər verir ki, U-16 yığmamız oyununda hesabda geri düşməsinə baxmayaraq, sonuncu dövrədə geri dönüş edərək, yekunda 74:72 qalib gəlib.

Keçirdiyi bütün oyunları qalib tamamlamış qızlarımız finala vəsiqə qazanıblar. Həlledici mərhələdə rəqib meydan sahibələri olacaq.

Matç 23 iyul Bakı vaxtı ilə saat 21:30-da başlayacaq.