7 oyun, 17 ötürmə

“Edmonton Oilers” NHL-in adi mövsüm matçında əlavə vaxtda “Boston Bruins”ə 5:6 hesabı ilə uduzub.

Allsport.az xəbər verir ki, “neftçilər”in hücumçusu Konor Makdevid bu oyunda 2 məhsuldar ötürmə edib. Son 7 matçda Makdevid qol vurmasa da, 17 məhsuldar ötürmə edib. O, NHL tarixində 7 oyun ərzində 17+ assist və 0 qol qeyd edən 3-cü oyunçu olub. Ondan əvvəl bunu yalnız Veyn Qretzki (3 dəfə – 1986, 1988, 1991) və Mark Messier (1995) bacarmışdı.