AAF-in yeni rəhbərliyi ağır atletika mərkəzi ilə tanış olub

Oktyabr ayının 2-də Azərbaycan ağırlıqqaldırma federasiyasının (AAF) prezidenti Kamran Nəbizadə və vitse prezident Firdovsu Umudov yığma komandalarımızın təlim-məşq bazası olan ağır atletika mərkəzində olub.

Onlar burada yaradılan şəraitlə tanış olub, məşq və yarış zalı, tibb, tədris, istirahət və digər otaqları gəzib, maddi-texniki təminatın vəziyyətini öyrənib, onun yaxşılaşdırılması barədə fikir mübadiləsi aparıb, rəy və təkliflərini verib.

Federasiya prezidenti idmançıların yüksək nailiyyətlər qazanması üçün onlara ən yaxşı şəraitin yaradılmasının vacibliyini vurğulayıb.

Yeni rəhbərliyi baş katib Rizvan Rəsulov müşayiət edib.