Arif Rəhimov: Formula1-in Bakı mərhələsi öyünməli hadisədən daha artıqdır

Britaniyanın “PricewaterhouseCoopers” agentliyi ilə Azərbaycan mükafat yarışının 4 il ərzində əldə edilən iqtisadi səmərənin 506 milyon dollar olması qənaətinə gəlib. Allsport.az saytı xəbər verir ki, bu halda birbaşa xərclər təxminən 300 milyon dollar olub.

Formula1 qran-prilərində ən çox mənfəət götürən turizm, nəqliyyat, mehmanxanalar və qidalanma ilə bağlı şirkətlər olub. Hər il əsasən gənclər üçün nəzərdə tutulan 7500-ə yaxın müvəqqəti iş yeri yaradılıb. Gənclər iri beynəlxalq idman tədbiri keçirilməsi sahəsində təcrübə qazanıblar.

Bakı şəhər halqası əməliyyat şirkətinin icraçı direktoru Arif Rəhimov bu barədə deyib: “Biz həmişə vurğulamışıq ki, Formula1-in Bakı mərhələsi sadəcə öyünməli hadisədən daha artıqdır. Qran-pri iqtisadi, sosial və mədəni dəyişikliklərin hərəkətverici qüvvəsinə çevrilməli, sakinlər və əməkdaşlar üçün yeni imkanlar yaratmalı idi. Beləliklə, son illərdə ən cəsarətli gözləntiləri də üstələyə bilmişik”.

Həmin kateqoriyadan