“Avtomobilisti”dən növbəti qələbə

“Avtomobilisti” Qaqarin kubokunun 1/4 final mərhələsinin 2-ci oyununda səfərdə Sankt-Peterburq SKA-sını məğlub edib.

Allsport.az xəbər verir ki, 2-ci hissədə urallılar meydan sahiblərinin qapısına 2 dəfə zərbə endiriblər – Aleksey Byvaltsev və Stefan da Kosta fərqlənib. Üçüncü 20 dəqiqənin əvvəlində ordu komandası Vasili Qlotovun zərbəsindən sonra hesab fərqini azaldıb. Yekaterinburqlular sonda Stepan Xripunovun səyi ilə üçüncü qolu vurublar.

Yekun hesab 3:1 – motoristlər seriyada 2:0 önə keçiblər.