“Azəryol”un həndbolçusu: “2-ci yarıda çoxlu səhvlər etdik”

“AHF arena”da qadın həndbolçuların superliqasının 7-ci turunda “Azəryol” ölkə çempionatının öndəri “Qarabağ”a 27:26 qalib gəlib. Görüşdən sonra komandanın kapitanı Rəna Həsənova təəssüratını allsport.az saytına paylaşıb:

“Oyun gərgin idi. İlk hissədə yaxşı çıxış etdik və qarşıya qoyulan tapşırığın öhdəsindən gəldik.

Təəssüf ki, 2-ci yarıda çoxlu səhvlər etdik, topları vura bilmədik, əvəzində, rəqib bundan yararlandı.

Buna rəğmən, oyun xeyrimizə bitdi. Səhvlərdən nəticə çıxarıb, onların üzərində işləyəcəyik”.