“Bakı” klubu yarımfinalda

Fransanın Tuluza şəhərində 3×3 basketbol üzrə keçirilən beynəlxalq turnirin ilk oyun günü yekunlaşıb.

Allsport.az xəbər verir ki, klublar arasında təşkil olunmuş turnirdə ölkəmizi qadınlardan ibarət “Bakı” təmsil edir.

Komandamız A qrupunda “Karfagen” (Tunis) və “Nayrobi Kiyati” (Keniya) klubları ilə qarşılaşıb. Basketbolçularımız, müvafiq olaraq, 16:15 və 17:12 hesabları ilə qələbə qazanıb. Sabah yarımfinal oyunları keçiriləcək.

Yığmamızın üzvləri Dina Ulyanova, Aleksandra Mollenhauer, Mersedes Volker və Tatyana Deniskinadan təşkil olunan “Bakı” turnirdə iştirak məqsədi Paris-2024 Yay Olimpiya Oyunlarının Təsnifat Turnirinə hazırlaşmaqdır.