Bakı Şəhər Halqası bəyanat yayıb: Formula1 şirkəti ilə aramızda fikir ayrılığı yoxdur

Bakı Şəhər Halqası əməliyyat şirkəti bəyanat yayıb. Allsport.az saytının məlumatına görə, qurum ictimaiyyətin nəzərinə çatdırır ki, Rusiyanın “Kommersant” qəzetinə istinadən yayılan bilgilər qeyri-rəsmi və əsassızdır. Yəni, Formula1 Azərbaycan qran-prisinin keçirilməsi ilə bağlı müqavilə şərtləri tam məxfi saxlanılır və heç bir şəkildə icitmaiyyətə rəsmi şəkildə açıqlanmır.

Eyni zamanda, F1-in təşkilatçısı “Formula 1 Management” şirkəti ilə Azərbaycanda bu yarışının promouter şirkəti Bakı Şəhər Halqası arasında bağlanmış anlaşma üzrə heç bir fikir ayrılığı yoxdur və Azərbaycan qran-prisinin keçirilməsi ilə bağlı bütün məsələlər fikir mübadiləsi əsasında və konstruktiv yolla həll edilir.