Barselonada hər şey təkrar: “Mersedes”dən yenə dubl, “Red Bul”un sürücüsü 2-ci oldu

Bu gün Formula-1 dünya çempionatının 4-cü mərhələsi çərçivəsində İspaniya qran-prisi baş tutub. Allsport.az saytı xəbər verir ki, Barselonada nəticə Portuqaliyanı təkrarlayıb.

Ötən dəfə olduğu kimi, Barselonada 4675 metrlik trasda 66 dairənin yekununda Lüis Həmilton finişə 1-ci çatıb. Britaniyalı pilot qələbəyə 1 saat 33:07.680 saniyə sərf edib.

“Red Bull Xonda”dan Maks Ferstappen  2-ci olub. Ondan + 26.610 saniyə geri qalan “Mersedes”in digər pilotu Valtteri Bottas ilk 3-lüyü qapayıb.

Növbəti ötüşmə 2 həftə sonra Monakoda olacaq. Monte-Karlonun 3337-metrlik şəhər trasında qalib 78 dairənin sonunda müəyyənləşəcək. 

Həmin kateqoriyadan