Basketbol millimizdə yeni baş məşqçi

Qadın basketbol millimiz noyabrda Avropa çempionatı-2025-in seçmə oyunlarında iştirak edəcək. Allsport.az saytı xəbər verir ki, komandanıyüksək səviyyədə hazırlamaq üçün, federasiya tərəfindən yeni məşqçilər heyəti təyin olunub.

Baş məşqçisi postuna U-16 qızlarımızla çempionluq qazanmış türkiyəli mütəxəssis Əvrən Alqaya gətirilib. Yeni nəsil qadın basketbolçularla işləməyi əla bacaran mütəxəssisin 2 köməkçisi də olacaq.

Birinci məşqçi uzun illərdir ölkəmizdə yaşayan amerikalı, yığmamızın keçmiş üzvlərini daha yaxından tanıyan Skot Mollenhauerdir. İkinci köməkçi məşqçi isə, U-16 qızlarda asistent olmuş Aygün Eynullayevadır.