“Bir yumruq kimi birləşib bu qələbəyə nail olduq”

Bolqarıstanın paytaxtı Sofiyada ağırlıqqaldırma üzrə Avropa çempionatında Dadaş Dadaşbəyli (109 kq) toplam 388 kq (176+212) nəticənin öhdəsindən gələrək, baş mükafata sahib çıxıb. O, 12 il sonra ölkəmizin qazandığı zəfərin təəssüratını allsport.az saytına bölüşüb:

“Sevincimin həddi-hüdudu yoxdur. Bu uğur tək mənim deyil, bütün idman ictimaiyyətinindir. Bir yumruq kimi birləşib bu qələbəyə nail olduq. Allahın köməkliyi ilə uğurun davamını gətirməyə çalışacağam”.