“Büdcəsi bizdən 10 dəfə artıq olan klub bu gün öz gücünü göstərdi”

25 oktyabrda “Sərhədçi” idman mərkəzində “Sabah” basketbol klubu FİBA Avropa kubokunun “D” qrupunun 2-ci turunda Türkiyə “Bağçaşəhər”inə 65:83 uduzdu.

Allsport.az saytı xəbər verir ki, mətbuat konfransında komandamızın baş məşqçisi Boban Mitev bunu söylədi:

“Bu oyunda yenildiyimiz üçün azarkeşlərdən üzr istəyirəm. Büdcəsi bizdən 10 dəfə artıq olan klub bu gün öz gücünü göstərdi.

İlk hissədə buraxdığımız səhvlər bizə baha başa gəldi. 4-cü bölmədə hətta fərqi 5-ə endirdik. Qarşıda oyunlar var. Növbəti mərhələ üçün bütün qüvvəmizlə çalışacağıq”.