Danimarka Formula1 qran-pri təcrübəsini bizimkilərdən öyrənir

Kopenhagendə 2020-ci ildə Formula1 keçirmək planlaşdırılır. Allsport.az saytı xəbər verir ki, ötən həftə sonunda mərhələnin təşkilatçıları Helqe Sander və Lars Seyer Kristensen təcrübə öyrənmək məqsədi ilə Bakıya gəliblər.

Onlar F1 Azərbaycan qran-prisinin promouteri ilə görüşündən razı qalıblar. Qonağın sözünə görə, bizimkilər Formula1 yürüşünü keçirməyin çətinlikləri, layihələndirmənin xüsusiyyəti, texniki yol və digər məsələlər barədə məlumat veriblər.

Kopenhagendə trası German Tilkenin arxitektura bürosu layihələndirəcək. O, müasir avtodromların əksəriyyətinin yaradıcısıdır.