Dünya kuboku “Şahdağ”da

İyunun 13-də beynəlxalq xizək və snoubord federasiyasının (FİS) konqresində keçirilən səsvermədə Azərbaycan qış idmanı növləri federasiyasının FİS-ə tam üzvlüyü qəbul edilib.

Allsport.az xəbər verir ki, bununla yanaşı, Azərbaycan qış idmanı növləri federasiyası tərəfindən 2026-cı ildə moqul üzrə dünya kubokunun final mərhələsinin Azərbaycanda keçirilməsi ilə bağlı FİS-ə ünvanladığı müraciət müsbət qarşılanıb.

Əldə olunan nəticəyə əsasən FİS tərəfindən yarışın “Şahdağ” turizm mərkəzində keçirilməsinə dair qərar qəbul edilib və yarış beynəlxalq federasiyanın yarış təqviminə salınıb.

Dünya kubokunun 2026-cı ilin 14-15 martda “Şahdağ” turizm mərkəzində keçirilməsi nəzərdə tutulur.