Formula1 dünya çempionatı ilk dəfə dekabr ayınadək uzadıla bilər

Beynəlxalq Avtomobil Federasiyası yeni iş üzərində çalışır. Allsport.az saytı xəbər verir ki, təqdim edilən təqvim layihəsi təsdiq olunarsa, 1963-cü ildən başlayan Formula1 dünya çempionatı ilk dəfə gələn il dekabr ayınadək uzadılacaq.

Layihəyə əsasən, mövsümü martın 17-də Avstraliya qran-prisi açacaq. Sonra Formula1-in tarixində 1000-ci avtoyürüşədək – Çin mükafat yarışınadək 2-həftəlik fasilə olacaq. Almaniya ötüşməsinin gələcəyinə zəmanət verilməməsinə baxmayaraq, mövsümün qalan hissəsi praktik olaraq, 2018-ci ilin təqvimi ilə tam üst-üstə düşür.

Əbu-Dabi final yürüşünün keçirilmə vaxtı dekabr ayına keçiriləcək. Mayami qran-prisinin ehtimal olunan debütü nəzərə alınaraq, oktyabr ayında genişlənmə əmələ gəlib.