Kanada millisinə kapitan seçildi

“San Xose”nin hücumçusu Maklin Selebrini, “Pittsburq” hücumçusu Sidni Krosbinin iştirakına baxmayaraq, İsveçrədə keçiriləcək dünya çempionatında Kanada millisinin kapitanlığını daşıyacaq.

Allsport.az saytı xəbər verir ki, 19 yaşlı kapitanın təyin edilməsi qərarı Krosbinin turnirdə oynamaq üçün razılığı açıqlanmamışdan əvvəl də verilmişdi.

38 yaşlı Krosbi, “Toronto”dan 35 yaşlı Con Tavares və “Neşvil”dən Rayan O’Reyli ilə birlikdə Selebrinin köməkçisi olacaq.

Dünya çempionatı 15-31 mayda keçiriləcək.