“Karyeramı hələ bitirmirəm”

“Pittsburq”un hücumçusu Yevqeniy Malkin karyerasını vətənində bitirmək fikrində olmadığını bildirib.

Allsport.az xəbər verir ki, 38 yaşlı hokkeyçi “Metallurq”a qayıtmaq istəmədiyini deyib:

“Karyeramı hələ bitirmirəm. Bilirəm, bəziləri deyir ki, Rusiyaya qayıdıb doğma komandamda oynayacağam. Amma mən heç vaxt belə bir söz deməmişəm. Məqsədim karyeramı “Pittsburq” bitirməkdir. Bura mənim komandamdır və komandamı sevirəm”.

Malkin 2006-cı ildən “Pittsburq”da oynayır. O, üçqat Stenli kubokunun qalibidir. (2009, 2016, 2017).