“Mercedes AMG” Valteri Bottası heyətə qatıb

“Mercedes AMG” məşhur pilot Valteri Bottas ilə müqavilə imzalayıb. Allsport.az saytı xəbər verir ki, 0, yeni mövsümdən Luis Hamiltonun komanda yoldaşı olacaq. Ötən formula-1 mövsümünü çempion kimi başa vuran Niko Rosberq karyerasını başa vurandan sonra, almanlar yeni sürücü axtarışına çıxmışdı.

Fernando Alonso, Niko Hulkenberq və Paskal Verlaynın “Mercedes AMG” ilə danışıqlar apardığı bildirilsə də, komanda seçiminin Valteri Bottas olduğunu açıqlamışdı. 2013-cü ildən “Williams”da çıxış etmiş bu pilot fəxri kürsüdə 9 dəfə yer alıb.