“Mersedes”dən 9-cu dubl! Lüis yenə əlçatmazdır

İtaliyanın Emiliya-Romanya şəhərinin İmola trasında Formula1 dünya çempionatının 13-cü mərhələsi bitib. Allsport.az saytı xəbər verir ki, 63 dairənin yekununda yenə Lüis Həmilton 1-ci olub.  

“Mersedes”in pilotu qələbəyə 1:28:32.430 saniyə sərf edib. Britaniyalı sürücü bununla da karyerasında 93-ci qələbəsini qazanaraq, əlçatmaz olub. Onun komanda yodaşı Valtteri Bottas finişə 2-ci çatıb. Beləliklə, Almaniya komandası cari mövsümdə 9-cu dublunu rəsmiləşdirib. 

İlk üçlüyü “Renault”dan Daniel Rikkardo qapayıb. Növbəti ötüşmə 2 həftə sonra Türkiyənin mədəni paytaxtı İstanbulda olacaq. Sürücülər 58 dövrə vuracaqlar.