Millimiz 7-ci oldu

Bolqarıstanın paytaxtı Sofiyada ağırlıqqaldırma üzrə Avropa çempionatı başa çatıb.

Allsport.az xəbər verir ki, 9 gün ərzində 20 dəst medal sahibini tapıb.

Yarışın yekununda komanda hesabında ən yaxşılar bəlli olub. Azərbaycanın kişilərdən ibarət yığması Avropada 7-ci yeri tutub.

İdmançılarımız 363 xal toplayıblar. Bu uğurda 109 kq çəkidə Avropa çempionu olan Dadaş Dadaşbəylinin payı böyük olub.

Qeyd edək ki, kişilərin yarışında Bolqarıstan 696, qadınlarda Ukrayna 654 xalla 1-ci yeri tutub.