Qalmaqallı Rodçenkov axtarışa verildi

Moskva antidopinq laboratoriyasının keçmiş rəhbəri, hazırda isə ümumdünya antidopinq agentliyinin (WADA) ifşaçısı Qriqori Rodçenkov Rusiyada yenidən axtarışa verilib.

Allsport.az xəbər verir ki, 2017-ci ildə Rodçenkov vəzifə səlahiyyətlərindən sui-istifadə etdiyinə görə qiyabi həbs edilib və Rusiya federasiyası cinayət məcəlləsinin 201-ci maddəsinin 2-ci hissəsi ilə beynəlxalq axtarışa verilib.

Rodçenkov 2016-cı ildə Rusiyada dövlət dopinq dəstəyi proqramının mövcudluğu barədə ifadə verdikdə dünya şöhrəti qazanıb.