Robert Prosineçki millinin oyunundan razı qalmayıb

Azərbaycan millisinin baş məşqçisi Robert Prosineçki DÇ-2018-in seçmə mərhələsində səfər oyununu şərh edib. Allsport.az saytı xəbər verir ki, xorvatiyalı mütəxəssis San Marino millisi üzərində 1:0 hesablı qələbə barədə bunu deyib:

“Rəqibdən üstün idik. Topa nəzarət etdik, qol şansları yaratdıq. Təəssüf ki, qol imkanlarından kifayət qədər istifadə edə bilmədik. Bundan o qədər də razı qalmadım. Çətin vəziyyətdə Ruslan Qurbanov qol vurdu, amma asan epizodlarda nəticə hasil olmadı.

Bunun üzərində işləyəcəyik. Əsas odur ki, qələbə qazandıq və seçmə mərhələyə 3 xalla başladıq. Diqqəti artıq qarşıdakı çətin oyuna yönəltmək lazımdır”.