San Marinonun baş məşqçisi: Fiziki hazırlığımız arzuladığımız səviyyədə deyil

San Marino millisinin baş məşqçisi Pyerancelo Manzaroli DÇ-2018-in seçmə mərhələsində Azərbaycana qarşı keçirdikləri oyunu şərh edib. Allsport.az saytı xəbər verir ki, o, 0:1 hesablı məğlubiyyətlə bağlı bunu söyləyib:

“Daha yaxşı oyun gözləyirdik. Azərbaycan layiqli qələbə qazandıq. Biz də pis oynamadıq. Amma fiziki hazırlığımız arzuladığımız səviyyədə deyil. İkinci hissəyə daha yaxşı başlamışdıq.

Ancaq qırmızı vərəqə almağımız bizi çətin vəziyyətə saldı. Buna görə də yeni seçmə mərhələyə uğurlu start verə bilmədik”.