“Traktor” kanadalı hücumçu ilə müqavilə imzaladı

Rusiyanın “Traktor” klubu heyətini yeni hokkeyçi ilə gücləndirib.

Allsport.az xəbər verir ki, Çelyabinsk təmsilçisi kanadalı hücumçu Neytan Leqare ilə müqavilə imzaladığını açıqlayıb.

25 yaşlı hokkeyçi ilə bağlanan sözləşmənin müddəti 2026/2027 mövsümünün sonunadək nəzərdə tutulub.

Neytan Leqare 2019-cu ildə NHL draftında “Pitsburq Penqvins” tərəfindən 74-cü olaraq seçilib. Kanadalı forvard əsas Şimali Amerika liqasında “Nyu Cersi Devils”in formasını geyinib və 4 oyunda iştirak edib.

O, AHL-də isə “Skranton Penqvins”, “Laval Roket” və “Utika Komets” komandalarında çıxış edib.