“Xəzri” tək öndər oldu

Azərbaycan basketbol liqasında 6-cı turun 2 oyunu keçirilib. Allsport.az saytı xəbər verir ki, açılış matçında “Sumqayıt” evdə “Şəki”ni 96:81 üstələyib.

Meydan sahiblərindən ən məhsuldar basketbolçu Cey Mürrel (26 xal, 10 ötürmə), qonaqlarda Pol Dibal (17 xal, 7 götürmə) olub.

Sumqayıt olimpiya idman kompleksində keçirilmiş günün 2-ci oyununda “Xəzri” və “Xırdalan” klubları üz-üzə gəliblər. Oyun liderin 105:84 hesablı qələbəsi ilə yekunlaşıb. “Xəzri”dən Mark Vital (20 xal, 3 götürmə), “Xırdalan”dan Cessi Qi (28 xal, 11 ötürmə) fərqlənib.