6-qat dünya çempionundan ustad dərsi 

Batut üzrə Azərbaycan milli komandası və klub məşqçiləri üçün ustad dərslərinə start verilib.

Allsport.az xəbər verir ki, tədbir milli gimnastika arenasında gerçəkləşir. Ustad dərsləri beynəlxalq gimnastika federasiyasının batut gimnastikası üzrə texniki komitəsinin üzvü Dmitri Poliaruş tərəfindən keçirilir.

Qeyd edək ki, batut üzrə 6-qat dünya, 7-qat Avropa çempionu olan belaruslu mütəxəssis 2 olimpiya oyunlarının iştirakçısıdır.