Avropa çempionatında tibbi təhlükəsizliyə nəzarət edir

Avropa voleybol konfederasiyasının (CEV) tibb komissiyasının üzvü Vüsalə Kazımova U-20 Avropa çempionatında CEV-in tibb nümayəndəsi (Medikal deleqate) kimi fəaliyyət göstərir.

Allsport.az xəbər verir ki, sentyabrın 3-dən 6-dək İtaliyanın Battipaglia şəhərində keçirilən yarışda V.Kazımova iştirakçıların və hakimlərin tibbi təhlükəsizliyinin təmin olunmasına, tibbi xidmətlərin təşkilinə və yarış zamanı müvafiq məsələlərin koordinasiyasına nəzarət edir.

CEV-in tibb komissiyasının üzvü olan azərbaycanlı mütəxəssis turnir çərçivəsində tibbi protokolların icrasını və zəruri tibbi tədbirlərin təşkilini də koordinasiya edir.