Çellenc” ustad dərsləri təşkil olunub

Gənclər və idman nazirliyinin “İdman hamı üçün” layihəsi çərçivəsində iyunun 18-də gimnastika hamı üçün növü üzrə 1-ci Bakı beynəlxalq “Çellenc” ustad dərsləri keçirilib.

Allsport.az xəbər verir ki, Bakı konqres mərkəzinin ərazisində baş tutan tədbirdə müxtəlif musiqili-nümunəvi çıxışlar təqdim edilib.

Azyaşlı uşaqlar proqrama qoşularaq, gimnastika mütəxəssislərinin rəhbərliyi altında isinmə, gimnastika, rəqs hərəkətlərini yerinə yetiriblər.

Dünyada böyük populyarlığa malik qeyri-yarış növü olan gimnastika hamı üçün Azərbaycanda yeni inkişaf edən idman növləri sırasındadır. Bu növlə yaşından və fiziki qabiliyyətindən asılı olmayaraq, hər bir şəxs məşğul ola bilər.