Cokoviç növbəti mərhələdə

“Böyük Dəbilqə” yarışlarının 24-qat çempionu Novak Cokoviç Brisbendə (Avstraliya) keçirilən ATP-250 turnirində 1/4 finala yüksəlib.

Allsport.az xəbər verir ki, serbiyalı tennisçi ikinci mərhələdə reytinqdə 55-ci olan fransalı Qael Monfilsə 6:3, 6:3 hesabı ilə qalib gəlib. Görüş 1 saat 12 dəqiqə davam edib.

Bundan sonra Novak Cokoviç dünya reytinqinin sabiq 17-ci Reyli Opelka ilə qarşılaşacaq. Brisbendəki turnir yanvarın 5-dək davam edəcək.