Güləşçilərimizdən Türkiyədə 2-ci medal

Türkiyənin Antalya şəhərində keçirilən Yaşar Doğu & Vehbi Əmrə turnirinə yekun vurulub.

Allsport.az xəbər verir ki, Azərbaycan sərbəst güləşçiləri yarışın son günündə daha 1 medal qazanıblar.

79 kq çəki dərəcəsində mübarizə aparan Ramiz Həsənov bürünc medal qazanıb. Təmsilçilərimizdən Ceyhun Allahverdiyev (61 kq), Məhəmməd-Başir Xaniyev, Sabir Cəfərov (hər ikisi 70 kq), Əşrəf Aşırov (79 kq), Şamil Zubairov və Abdulcəlil Şabanov (hər ikisi 92 kq) medalçılar sırasına düşə bilməyiblər.