“Ömər tezliklə UFC-nin əsas yarışında iştirak edəcək”

Allsport.az xəbər verir ki, yüngül çəkidə keçmiş UFC çempionu Həbib Nurməhəmmədov sosial şəbəkədə yeni paylaşım edib. O, qardaşı Ömər Nurməhəmmədovun tezliklə UFC-nin əsas yarışında iştirak edəcəyini bildirib:

“Bu gün ciddi danışıqlarımız oldu. Ömər tezliklə UFC-nin əsas yarışında olacaq”.

İdmançının 27 yaşı var. O, 2021-ci ilin yanvarında dünyanın ən güclü təşkilatında debüt edib, 4 döyüş keçirib və hamısında qalib gəlib.