“Mahaçev çox kiçikdir”

UFC-nin yarım orta çəkidə çempionu Cek Della Maddalena açıqlama verib.

Allsport.az xəbər verir ki, o, yüngül çəkidə kəmərini boşaldan İslam Mahaçevi məğlub edəcəyinə inandığını bildirib:

“Bu, mənim arzuladığım titulun ilk müdafiəsidir. O, çox kiçikdir. Onu rahatlıqla məğlub edəcəm”.

Della Maddalena və Mahaçev döyüşü Nyu-Yorkda keçiriləcək. Görüşün tarixi hələlik bəlli deyil.

İslam Mahaçev 28 MMA döyüşü keçirib və 27 qələbə qazanıb. Cek Della Maddalenanın 20 döyüşdə 18 qələbəsi var.