Milli Neftçalada

Bədii gimnastika üzrə Azərbaycan millisi Neftçalada nümunəvi çıxışlar edəcək.

Allsport.az xəbər verir ki, bu, mayın 17-də Neftçala olimpiya kompleksində baş tutacaq.

Həm qrup hərəkətləri üzrə komanda, həm də fərdi çıxış edən gimnastlar öz kompozisiyalarını göstərəcəklər. Yığmamız üçün bu çıxış Avropa çempionatı öncəsi məşq xarakteri daşıyacaq.

Macarıstanın paytaxtı Budapeştdəki qitə çempionatı mayın 22-də start götürəcək.