“Neftçi” Kaseres mərhələsində yarımfinala yüksəldi

İspaniyada keçirilən 3×3 basketbol üzrə dünya qadın seriyasının Kaseres mərhələsində “Neftçi” yarımfinala vəsiqə qazanıb.

Allsport.az xəbər verir ki, Azərbaycan təmsilçisi 1/4 finalda ev sahibi İspaniya millisi ilə qarşılaşıb.

Gərgin keçən oyunda rəqibini 16:15 hesabı ilə məğlub edən “Neftçi” adını yarımfinala yazdırıb.

Komanda finala yüksəlmək uğrunda Latviya seçməsi ilə üz-üzə gələcək. Qarşılaşma Bakı vaxtı ilə saat 23:40-da başlayacaq.