WADA-nın gələn il büdcəsi 34,67 milyon dollar olacaq

Ümumdünya Antidopinq Agentliyinin gələn il üçün büdcəsi 34,67 milyon dollar olacaq.

Allsport.az saytı xəbər verir ki, qərar qurumun Bakıda keçirilən təsisçilər şurasının iclasında təsdiq olunub. Yeni büdcə 2018-ci illə müqayisədə 8 faiz artırılır.

Cari ildə WADA-nın büdcəsi 32 milyon dollar təşkil edib. May ayında Təsisçilər Şurasının Monrealda keçirilən iclasında agentliyin büdcəsinin dörd il müddətində hər il 8 faiz artırılması qərara alınıb.

Ümumdünya Antidopinq Agentliyinin büdcəsi Beynəlxalq Olimpiya Komitəsinin və üzv ölkələrin hökumətlərinin üzvlük haqları hesabına formalaşır.

Həmin kateqoriyadan