Avropa çempionatında geridönüşlə qalib gəldi

Azərbaycanın 20 yaşadək oğlan basketbolçulardan ibarət millisi Avropa çempionatının “B” divizionunda 9-16-cı yerlər uğrunda mübarizəyə qələbə ilə başlayıb.

Allsport.az xəbər verir ki, Slovakiyanın paytaxtı Bratislavada keçirilən yarışda yığmamız İsveçrə seçməsi ilə qarşılaşıb.

Hesabda geri düşməsinə baxmayaraq geridönüş edən millimiz 72:66 hesablı qələbə qazanıb.

Görüşün ən məhsuldar basketbolçusu 25 xal, 6 assist və 5 ribaundla Derin Berkoz olub.

U-20 millimiz növbəti oyununu iyulun 18-də Danimarka – Bosniya və Hersoqovina cütünün qalibinə qarşı keçirəcək.