Azərbaycanlı hakim dünya kikboksinq təşkilatları prezidenti tərəfindən mükafatlandırılıb

İstanbulda dünya kikboks təşkilatları birliyinin təqviminə uyğun dünya kuboku keçirilib. Allsport.az saytı xəbər verir ki, yarışda AKF-in hakimlər kollegiyasının müavini, beynəlxalq “A” dərəcəli hakim Aydın Ağabəyov da ədaləti qoruyub.

Həmyerlimiz final döyüşlərini idarə edib. O, yarışın seçilmiş hakimi kimi VAKO-nun prezidenti Roy Beyker və Türkiyə kikboksinq federasiyasının rəhbəri Salim Qayıcı tərəfindən mükafata layiq görülüb.