Gənc qoşaçarxçılarımız Türkiyədə 1-ci olub

Türkiyənin Kastamonu şəhərində 15 iyul – Demokratiya və Milli Birlik Günü münasibətilə beynəlxalq turnir velosipedçilərimizin uğurlu çıxışı ilə yadda qalıb. Allsport.az saytı xəbər verir ki, yarışın gənclər kateqoriyasında fəxri kürsün ilk 3 pilləsində Azərbaycan idmançıları qərarlaşıblar

Məşqçi Asif Həsənovun rəhbərliyi ilə qardaş ölkədə Xankişi İsgəndərov, Mahmud Məmmədov, İvan Orlov və Əli Qurbanov çıxış ediblər. 100 km-lik marşrutu hamıdan tez Mahmud Məmmədov qət edərək finiş xəttini 1-ci keçib.

Millinin digər üzvləri İvan Orlov və Xankişi İsgəndərov isə müvafiq olaraq 2-3-cü yerləri tutublar. Əli Qurbanov 5-ci nəticə göstərib. Yığmamız komanda hesabında da 1-ci olub.