Seminar və imtahanlar keçirilib

Azərbaycan basketbol federasiyasının təşkilatçılığı ilə “B” və “C” kateqoriyaları üzrə məşqçilik seminarı və imtahanlar keçirilib.

Allsport.az xəbər verir ki, tədbir Bakı idman sarayında baş tutub.

Sentyabrın 12-də Bədri Məriç, Polad Həsənov və Yusif Qayan tərəfindən keçirilən seminarda məşqçilik fəaliyyətinin müxtəlif istiqamətləri üzrə nəzəri və praktiki məlumatlar təqdim olunub, iştirakçılarla peşəkar təcrübə bölüşülüb.

Sentyabrın 13-də iştirakçılar üçün yazılı və praktiki imtahanlar təşkil olunub. İmtahanlar məşqçilik kateqoriyası olmayan şəxslərin “C” kateqoriyası əldə etməsi, “C” kateqoriyasına malik məşqçilərin isə “B” kateqoriyasına yüksəlməsi məqsədilə keçirilib.