Forgot Password New Account

4-qat dünya çempionu karyerasını başa vurur

Formula 1
28 iyul 2022 / 16:45 Baxış sayı: 36

Formula-1 üzrə 4-qat dünya çempionu Sebastyan Fettel mövsümün sonunda karyerasını başa vuracaq. Allsport.az saytı xəbər verir ki, o, hazırda “Aston Martin”də çıxış edir. Cari rəqabətdə 12 mərhələdən sonra 15 xal toplayan almaniyalı sürücü 14-cü yerdədir.

“Getmək qərarı mənim üçün çətin olub və mən bu barədə çox düşünmüşəm. İlin sonunda diqqətimi nəyə yönəldəcəyimi düşünmək üçün daha bir az vaxt ayırmaq istəyirəm. Gələcək ata olaraq ailəmlə daha çox vaxt keçirmək istəyirəm”, – deyə məşhur pilot bildirib.

Sebastyan Fettelin 35 yaşı var. O, “Zaubera”, “Toro Rosso”, “Red Bull”, “Ferrari” komandaları üçün çalışıb. 2007-ci ildən F-1-də çıxış edir. “Red Bul”un pilotu qismində 4 dəfə çempionu olub (2010, 2011, 2012, 2013-cü illər).

Almaniyalı sürücü Formula-1 mükafat yarışlarında qələbələrin sayına görə 3-cü yer tutur. O, 53 yürüş udub və bu göstərici üzrə yalnız həmyerlisi Mixael Şumaxerdən və britaniyalı Lüis Həmiltondan geri qalır.

Həmin kateqoriyadan